பிளஸ் 2 காலாண்டு தேர்வு பாடத்திட்டத்திற்கு அப்பால் கேள்விகள் | பிளஸ் 2 காலாண்டு தேர்வில் தமிழகம் முழுவதும் இயற்பியல், வேதியியல், உயிரியல் உள்ளிட்ட பாடங்களில் இதுவரை நடத்தப்படாத பாடப்பிரிவுகளில் இருந்து கேள்விகள் இடம்பெற்றதால் மாணவ மாணவியர் அதிர்ச்சியடைந்தனர்.

பிளஸ் 2 காலாண்டு தேர்வில் தமிழகம் முழுவதும் இயற்பியல், வேதியியல், உயிரியல் உள்ளிட்ட பாடங்களில் இதுவரை நடத்தப்படாத பாடப்பிரிவுகளில் இருந்து கேள்விகள் இடம்பெற்றதால் மாணவ மாணவியர் அதிர்ச்சியடைந்தனர். தமிழகம் முழுவதும் ஒரே மாதிரியான கேள்வித் தாள் அடிப்படையில் பிளஸ் 2 வகுப்புகளுக்கு காலாண்டு தேர்வுகள் கடந்த 12ம் தேதி தொடங்கி நடைபெற்று வருகிறது. இந்த ஆண்டு மொழிப் பாட தேர்வுகள் முடிந்து முக்கிய பாட தேர்வுகள் 18ம் தேதி தொடங்கி நடந்தன. அன்று முதல் மாணவ மாணவியருக்கு அதிர்ச்சியும் காத்திருந்தது. 18ம் தேதி நடந்த இயற்பியல் தேர்வில் 5 பாடங்களில் இருந்து மட்டுமே கேள்விகள் கேட்டிருக்க வேண்டும். ஆனால் 6 வது பாடத்தில் இருந்தும் கேள்விகள் வந்தன. மொத்தம் 150க்கு 35 மதிப்பெண் களுக்கு இதுவரை நடத்தப்படாத பாடங்களில் இருந்து கேள்விகள் இடம் பெற்றிருந்தது கண்டு அதிர்ச்சியடைந்தனர். தொடர்ச்சியாக 20ம் தேதி வேதியியல் தேர்வு நடந்தது. இதுவரை நடத்தப்படாத 4 பாடங்களில் இ ரு ந் து 5 8 மதிப்பெண்ணுக்கு கேள்விகள் இடம்பெற்றிருந்தன. அடுத்து நடந்த உயிரியல் தேர்வில் உயிரி தாவரவியல் பிரிவில் 75க்கு 29 மதிப்பெண் கேள்விகள் இதுவரை நடத்தப்படாத பகுதிகளில் இருந்து வந்திருந்தன. இவ்வாறு அடுத்தடுத்து குளறுபடிகளுடன் பிளஸ் 2 கேள்வித்தாள்கள் இடம் பெற்றதால் மாணவ மாணவியர் அதிர்ச்சி அடைந்துள்ளனர்.

தமிழக காவல் துறையில் மத்திய அரசின் திட்டமான சிசிடிஎன்எஸ் எனப்படும் ‘கிரைம் அண்ட் கிரிமினல் ட்ராக்கிங் நெட்வொர்க் சிஸ்டம்‘ செயல்படுத்தப்பட்டு வருகிறது. இதன்மூலம், தமிழகத்திலுள்ள ஒவ்வொரு காவல் நிலையங்களும் கம்ப்யூட்டர் மூலம் இணைக்கப்பட்டு வருகிறது.

தமிழக காவல் துறையில் மத்திய அரசின் திட்டமான சிசிடிஎன்எஸ் எனப்படும் ‘கிரைம் அண்ட் கிரிமினல் ட்ராக்கிங் நெட்வொர்க் சிஸ்டம்‘ செயல்படுத்தப்பட்டு வருகிறது. இதன்மூலம், தமிழகத்திலுள்ள ஒவ்வொரு காவல் நிலையங்களும் கம்ப்யூட்டர் மூலம் இணைக்கப்பட்டு வருகிறது. இதற்கான போலீஸ் உயரதிகாரிகளின் ஆலோசனை கூட்டம் நேற்று நெல்லையில் நடந்தது. குற்ற ஆவண காப்பக ஏடிஜிபி ஆசிஷ் பங்க்ரா தலைமை வகித்தார். டிஐஜி சுமித் சரண், எஸ்பிக்கள் விஜயேந்திரபிதரி, துரை, மணிவண்ணன் உட்பட பலர் கலந்து கொண்டனர். பின்னர் ஏடிஜிபி ஆசிஷ் பங்க்ரா கூறியது: தமிழகத்திலுள்ள குற்றவாளிகள் குறித்த விவரங்கள் கம்ப்யூட்டரில் பதிவு செய்யும் பணி 30 மாவட்டங்களிலுள்ள சட்டம் , ஒழுங்கு காவல் நிலையங்களில் முடிந்துள்ளது. வரும் 23ம் தேதி ராமநாதபுரம் மாவட்டத்திலுள்ள காவல் நிலையங்களில் குற்றவாளிகளின் விவரங்கள் கம்ப்யூட்டரில் பதிவேற்றம் செய்யப்படவுள்ளது. சென்னை காவல் நிலையங்களில் இம்மாத கடைசியில் இப்பணிகள் நடக்க உள்ளன. தொடர்ந்து அக்டோபர் முதல் சிபிசிஐடி உள்ளிட்ட 20 பிரிவுகளிலுள்ள குற்றவாளிகளின் விவரங்கள் கம்ப்யூட்டரில் பதிவு செய்யும் பணி துவங்கவுள்ளது. இதற்காக தமிழக அரசு ரூ10 கோடி ஒதுக்கியுள்ளது. இதனால் பொதுமக்கள் இமெயில் மூலம் புகார்களை விரைவாக தெரிவிக்கலாம். புகார்தாரர்களுக்கு கம்ப்யூட்டர் ரசீது வழங்கப்படவுள்ளது. விரைவில் அதற்கான இணையதள முகவரி விபரங்கள் கொடுக் கப்படவுள்ளது. இதனால், எந்த ஒரு காவல் நிலையத்தில் இருந்து கொண்டும் மாவட்ட வாரியாக அன்று நடந்த குற்றங்கள், அவற்றின் பின்னணியை கம்ப்யூட்டர் மூலம் சில நிமிடங்களில் எளிதில் தெரிந்து கொண்டு மேற்கொண்டு குற்றங்கள் நடக்காமலும், குற்றவாளிகளை எளிதில் பிடிக்கவும் நடவடிக்கை எடுக்கலாம் என்றார்.

இலங்கையில் ஆட்சியை பிடிக்கிறது தமிழர்கூட்டமைப்பு

இலங்கை வட மாகாண தேர்தலின் வாக்கு எண்ணிக்கை தற்போது நடைபெற்று வருகிறது. இதுவரை கிடைத்த தகவலின்படி அதிக இடங்களை கைப்பற்றி உள்ள தமிழ் தேசிய கூட்டமைப்பு அங்கு ஆட்சியை பிடிக்கிறது.

நள்ளிரவு முதல் வாக்குகள் எண்ணப்பட்டு வருகின்றன. முதல் கட்டமாக முல்லைத்தீவு வவுனியா, யாழ்ப்பாணம், கிளிநொச்சி ஆகிய இடங்களில் அதிக வாக்குகளை பெற்றுள்ள தமிழ் தேசிய கூட்டமைப்பு மற்ற தொகுதிகளையும் கைப்பற்றி வருகிறது.

முல்லைத்தீவில் தமிழ் தேசிய கூட்டமைப்பு 28,266 வாக்குகள் பெற்று முன்னிலை வகிக்கிறது. ஐக்கிய மக்கள் சுதந்திரக் கட்சிக்கு 7,209 வாக்குகளும் இலங்கை முஸ்லிம் காங்கிரஸ் கட்சிக்கு 199 வாக்குகளும் கிடைத்துள்ளன. ஐக்கிய தேசியக் கட்சிக்கு 197 வாக்குகள் கிடைத்துள்ளன.

கிளிநொச்சியில் தமிழ் தேசிய கூட்டமைப்பு கட்சி 37,079 வாக்குகள் பெற்றுள்ளது. ஐக்கிய மக்கள் சுதந்திரக் கட்சிக்கு 7,897 வாக்குகளும் ஈழவர் ஜனநாயக முன்னணி 300 வாக்குகளும் பெற்றுள்ளன. ஐக்கிய தேசியக் கட்சிக்கு 54 வாக்குகள் மட்டுமே கிடைத்தது.

யாழ்ப்பாணத்தில் தமிழ் தேசிய கூட்டமைப்பு 16,421 வாக்கு பெற்று முன்னிலை வகிக்கிறது. ஐக்கிய மக்கள் சுதந்திரக் கட்சிக்கு 2,416 வாக்குகள் கிடைத்துள் ளன. ஐக்கிய தேசியக் கட்சிக்கு 60 வாக்குகளும் ஐக்கிய ஜனநாயக முன்னணிக்கு 21 வாக்குகளும் கிடைத்துள்ளன.

இதே போன்று ம்ன்னார், மாத்தளை, வல்வெட்டித்துறை, சாவகச்சேரி, காங்கேசன் துறை, நல்லூர் உள்ளிட்ட அனைத்து தொகுதிகளிலும் தமிழ் தேசிய கூட்டமைப்பு முன்னிலை பெற்றுள்ளது.

இதையடுத்து இன்று மாலை தமிழ் தேசிய கூட்டமைப்பின் சார்பில் முதலமைச்சர் தேர்வு செய்யப்படுகிறார். வெற்றி பெற்ற உறுப்பினர்கள் அனைவரும் யாழ்ப்பாணம் நோக்கி பயணமாகியுள்ளனர்.